Шмихал: Очекувам наскоро повторно да се отвори американската амбасада во Киев

Украинскиот премиер Денис Шмихал на крајот од посетата на Вашингтон изјави дека апсолутно очекува САД повторно да ја отворат својата амбасада во Украина, но не сакаше да каже кога тоа би можело да се случи.

„Тоа, се разбира, ќе се случи, но да почекаме“, рече Шмихал на прашањето на новинарите дали добил гаранции од американската администрација дека повторно ќе ја отвори амбасадата во Украина, пренесува Ројтерс.

Велика Британија најави дека следната недела повторно ќе ја отвори својата амбасада во украинскиот главен град Киев, придружувајќи им се на другите европски земји кои најавија такви планови по повлекувањето на руските сили, соочени со силен украински отпор во северна Украина.