Трет случај на ебола во Конго, започна вакцинација

Здравствените власти го потврдија третиот случај на ебола во градот Мбандака на северозапад од Демократска Република Конго, соопшти денеска СЗО.

Станува збор за 48-годишен маж кој бил во контакт со првиот пациент, кој почина на 21 април, објави СЗО на Твитер, пренесува „Ројтерс“.

Конго има историја на епидемии на хеморагична треска, а ова е четиринаесетта по ред. Здравствените работници почнаа со вакцинација против ебола минатата недела во Мбандака, главниот град на провинцијата Екватор во Конго.

Според СЗО, идентификувано е дека заразените биле во контакт со 444 лица, чија здравствена состојба се следи, наведува британската агенција.