Каталонците ангажираа талентиран стопер, кој најпрво ќе игра во „Б“ тимот на Барселона.
Кариерата на најдобриот бугарски фудбалер на сите времиња Христо Стоичков е нераскинливо поврзана со Барселона. Бугаринот играше за шпанскиот гигант во два наврати, од 1990 до 1995 година, потоа од 1996 до 1998 година.
Моментално второпласираниот тим од Ла Лига реши повторно да пазари во Бугарија, овојпат потпишувајќи договор со суперталентираниот Мартин Георгиев, момче кое има само 16 години.
Георгиев игра на позицијата стопер, настапувал за Славија од Софија, а најпрвин ќе тренира во „Б“ тимот на Барселона, со напомена дека ќе тренира и со првиот тим. Оваа сезона тинејџерот одигра седум натпревари за Славија, од кои пет во првенството. Детали за овој трансфер не се објавени.
🚨[SPORT] | Barça have signed Slavia Sofia's 16 year old promising centre-back Martin Georgiev. The Bulgarian will join Barça B next season. #fcblive pic.twitter.com/UMoYD3Zhx3
— BarçaTimes (@BarcaTimes) May 4, 2022