Русија ќе ја прекине испораката на гас за Финска?

Русија утре би можела да ја прекине испораката на гас за Финска, еден ден откако финските лидери објавија дека земјата треба да поднесе барање за влез во НАТО „без одлагање“, пишува весникот „Илталехти“.

Клучните фински политичари се предупредени дека Русија би можела да ја прекине испораката на гас во петок, објавија финските медиуми, повикувајќи се на неименувани извори и без да наведат од каде доаѓа предупредувањето, пренесува британски „Гардијан“.

Доколку се прекине снабдувањето со руски гас, тоа би предизвикало големи проблеми за некои фински индустрии и производство на храна, додава „Илталехти“.

Фото: Коллаж / Shutterstock/Fotodom