Премиерот Кирил Петков нема наскоро да го посети Скопје, изјави шефицата на кабинетот на премиерот на Бугарија, Лена Бориславова, цитирана од БГНЕС.
„Скора посета нема да има, бидејќи немаме документ на кој можеме да работиме на Договорот за добрососедство, така што како што вчера потврди македонската страна, меѓувладината конференција се одложува додека не видиме чекори поврзани со исполнување на критериумите, со разбирање и со дејствија кои докажуваат дека ќе има борба против дискриминацијата на бугарското етничко малцинство“, изјави Бориславова за БНТ.
На прашањето на домаќинот дека очекувањата на бугарското општество се Петков да не потпише ништо со Скопје, Бориславова рече: „Премиерот, исто така, истакна дека нема очекување во моментов, дури и кога оваа седница беше на дневен ред, да се потпише затоа што не сме подготвени со овој протокол по Договорот“.
На прашањето дали промената на ставот за вето за преговорите на РСМ со ЕУ ќе ја собори владата, таа рече: „Никој на кој било начин нема да преземе чекори за само иницијативни чекори. Во оваа смисла, нема начин да се урне кабинетот“.