Она што го видовме денес е совршен пример за тоа како обвинителството може да се користи како палка. Веќе долго време го знаете овој случај за моето откажување од канадското државјанство пред 2 години, случајот беше затворен и сега обвинителството се сети на денот кога владата беше изгласана да го покрене истиот случај повторно.
Вака Кирил Петков коментираше пред новинарите влегувањето во Народното собрание за неговите барања од обвинителството за имунитет во случајот со неговото државјанство.
„Доброволно ќе се откажам од имунитетот, за да е јасно дека нема од што да се плашам. Но, ќе се откажам веднаш, откако ќе се формира комисијата во парламентот и ќе станат апсолутно јасни сите документи за овој случај“, рече Петков.
„Сакам да му покажам на целиот бугарски народ како ова обвинителство користи невалидни случаи за политички притисок. Се формира комисијата во Народното собрание, апсолутно сите документи ги покажуваме на целиот бугарски народ, нека објасни и обвинителството зошто по 2 години пак го покренуваат овој случај и потоа пред да одлучи комисијата нешто, доброволно ќе се откажам од имунитетот, за да докажам дека нема што да се грижи, објасни Кирил Петков.