Украинската војска објави дека уништила скап руски систем. Украинската воено-разузнавачка агенција „GUR“ прикажа видео на кое се гледа моментот на нападот на рускиот радарски систем „48Y6 K-1 Podlyot“. Тврдат дека системот бил уништен во нападот.
Според информациите, тоа е мобилен радарски систем кој може да открие до 200 цели истовремено и има домет на откривање до 450 километри. Системот наводно вредел 5 милиони долари, пишува „Newsweek“.
Според Украинците, нападот го извршиле припадници на Одбранбената разузнавачка служба на Украина (DIU) и 15-та посебна артилериско-извидувачка бригада „Black Forest“.
💥 «Подльот» за 700 мільйонів — уражено новітню РЛС ворога
🫡 Група ГУР МО України «Гуси-9» спільно з військовослужбовцями 15 ОБрАР «Чорний ліс» виявили та вдарили по російській РЛС 48Я6 К-1 «подльот».🔗 https://t.co/Pcqkk0pAjA pic.twitter.com/rv4jK1er7c
— Defence intelligence of Ukraine (@DI_Ukraine) April 27, 2024
Снимката од дрон покажува украински удар во поле на непозната локација. Снимките од други агли ја покажуваат експлозијата и последиците од ударот.
Украинското разузнавање соопшти дека Русија го користела системот за откривање и пренос на координати со своите противвоздушни ракетни системи С-300 и С-400. Украинците се пофалија дека успешно уништиле толку скапа опрема, но информациите и снимките не се независно потврдени.
„Вредноста на таков радар е повеќе од 700 милиони рубљи или повеќе од 5 милиони долари“, се вели во соопштението на Украинците.