Напаѓачот на Пари Сен Жермен, Килијан Мбапе веќе дал позитивен одговор на понудата на Реал Мадрид и летово ќе му се приклучи на клубот како слободен играч, сигурни се мадридските весници во денешните изданија.
Мбапе има намера да ја објави својата иднина пред да се приклучи во францускиот табор за натпреварите од Лигата на нации. Ова ќе се случи непосредно пред финалето на Лигата на шампионите на 28 мај. Сепак, Реал Мадрид нема да брза да ја објави веста за неговото привлекување и тоа сигурно ќе го направи по пресметката со Ливерпул, пишува АС.
Весникот дури смета дека е многу можно Сантијаго Бернабеу да не го официјализира трансферот на играчот пред 1 јули, кој е ден по истекот на неговиот договор со ПСЖ.
„Кралскиот клуб“ подготвил петгодишен договор за Мбапе со рекордна плата за тимот од Мадрид и огромна откупна клаузула.
Повторно, според АС, катарските сопственици на сегашниот тим на напаѓачот побарале од францускиот претседател Емануел Макрон и еден од неговите претходници, Никола Саркози, да го убедат играчот да остане во ПСЖ барем до Светското првенство во 2022 година, но дури и тоа не ја променило неговата одлука.