Кина застана покрај Москва без да се оградува, оставајќи ја групата седум најразвиени земји (Г7) на спротивната страна.
Пекинг нема да дозволи Москва сама да се бори со западната хемисфера. Најпрвин се најавува дека поддршката ќе биде економска, па веќе се пишуваат договори за снабдување со гас и нафта. Кина веќе активно ѝ помага на Русија со тоа што одбива да воведе санкции и го одржува трговскиот тек.
Најнаселената држава оценува дека во нејзин интерес е да ја поддржи Русија во конфронтацијата со западните земји и да ги осуди санкциите што ги воведува. Пекинг смета дека ембаргото наметнато од Запад преку низа пакети е нелегитимно и не придонесува за решавање на проблемот, туку за продлабочување на конфликтот. Сепак, Кина е неутрална и воено не ѝ помага на Москва, иако САД неуспешно се обидоа да изнесат такви обвинувања.
Затоа Пекинг ги повикува земјите од Г7 да се фокусираат на мирот, „да престанат да воведуваат незаконски санкции и да провоцираат обоени револуции во други земји“. Кина ги повикува земјите од Г7 да престанат да применуваат двојни и повеќекратни стандарди и, без причина, да испратат воени авиони и бродови до вратите на другите земји за да покажат сила.
Министрите за надворешни работи на Г7 – САД, Германија, Италија, Канада, Велика Британија, Франција и Јапонија – објавија прелиминарна изјава во која го повикуваат Пекинг „силно да ја повика Русија да ја прекине војната во Украина и да се воздржи од обезбедување економска и воена помош за Кремљ“. Г7 инсистира Кина да го поддржи суверенитетот и независноста на Украина.
Сепак, Кина вели дека самата одлучува за својата политика и дека Г7 треба да престане да воведува санкции за суверени земји кои користат „екстратериторијална јурисдикција“. Кинескиот државен врв оценува дека „пристапот на Финска во НАТО ќе донесе нови фактори во, секогаш пријателските, односи меѓу Пекинг и Хелсинки“ и дека на хоризонтот е ново престројување.
Наводно, уште пред интервенцијата во Украина имало таен план на Москва и Пекинг, со прецизен редослед на потези во Европа. Индикативно е тоа што највисоките функционери на Русија јавно изјавија дека „целта на специјалната операција во Украина е да се урне сегашниот светски поредок и да се стави крај на доминацијата на САД“.