Набргу по објавувањето на одлуката на АТП да не се доделуваат бодови на Вимблдон, се огласи и управата на „неофицијалното светско првенство“ за тенисери.
Во официјалното соопштение, управата на Вимблдон соопшти дека нема да се откаже од одлуката тенисерите од Русија и Белорусија да не учествуваат на овој турнир:
„Прифаќаме дека нашите мислења се различни кога станува збор за одлуката да не им дозволиме на играчите од Русија и Белорусија да учествуваат на турнирот и длабоко жалиме за сите поединци кои беа погодени од ова.
Сепак, земајќи ја предвид одлуката на британската влада да го ограничи глобалното влијание на Русија, остануваме на ставот дека ја донесовме единствената правилна одлука за Вомблдон како глобално признат спортски настан и британска институција и ќе се држиме до неа.
And here is the WTA's statement, with their similar decision not to award ranking points for Wimbledon this year: pic.twitter.com/47E3r0613g
— Ben Rothenberg (@BenRothenberg) May 20, 2022
Не бевме подготвени на кој било начин да ја доведеме во прашање личната безбедност на играчите, како и нивните семејства. Сметаме дека барањето поединечни декларации – што би требало да го направат сите водечки играчи – како услов за влез во земјата во овој момент би носел голем ризик со себе.
Ние, исто така, одбиваме да ја прифатиме можноста дека успехот на Вимблдон ќе се користи за пропаганда на рускиот режим, кој низ историјата веќе ги користел успесите на своите спортисти како наратив на рускиот народ.
Од тие причини го изразуваме нашето разочарување од одлуката да му се одземат бодовите на турнирот. Сметаме дека оваа одлука не е правилна во контекст на околностите на ситуацијата и позицијата во која се најдовме и дека ќе биде штетна за играчите на турнејата.
„Размислуваме за нашите опции, преку разговорите со нашите колеги од другите Грен слем турнири“, се вели во соопштението на Вимблдон.