САД нема да испратат ракетни системи во Украина кои би можеле да дофрлат до Русија, изјави во понеделникот американскиот претседател Џо Бајден.
Бајден ја даде изјавата откако се појавија извештаи од Украина дека неговата администрација се подготвува да испрати напредни ракетни системи со долг дострел во Киев за да се бори против руските војници.
„Нема да испраќаме ракетни системи во Украина“ кои би можеле да погодат цели во Русија, им рече Бајден на новинарите по враќањето во Белата куќа.
President Biden said on Monday the U.S. will not send rocket systems to Ukraine that "can strike into Russia." pic.twitter.com/pEMvXPYtDn
— CBS News (@CBSNews) May 30, 2022
Украинските власти бараа систем со поголем дострел – „MLRS“ со повеќе цевки што може да се истрела низ проектили со висок дострел.
Бројни американски медиуми, вклучително и Си-Ен-Ен и Вашингтон Пост, минатата недела објавија дека администрацијата на Бајден е склона да испрати лесни повеќецевни ракетен систем „HIMARS“, како дел од поголем воен пакет помош за Украина.
Украинската влада го повика Западот да му испрати повеќе оружје со висок дострел за да го сврти текот на војната во своја полза во четвртиот месец од војната.
Рускиот заменик-претседател на Советот за безбедност, Дмитриј Медведев, ја нарече „рационална“ одлуката на Вашингтон да не испраќа системи во Украина кои би можеле да стигнат до Русија.
Украинските власти сè уште не зборувале по тој повод.