Италијанскиот весник „Кориере дело спорт“ тврди дека Арсенал е сериозно заинтересиран за српскиот репрезентативец Сергеј Милинковиќ-Савиќ. Наводно, Микел Артета има неколку играчи од средниот ред на списокот, меѓу кои и Ив Бисума, Јури Тилеманс и Рубен Невес, но Србинот станува голема желба за него.
Милинковиќ-Савиќ е седум години во Лацио, а за неговото заминување се зборува практично секое лето. Пред неколку години се споменуваше обештетување од 150 милиони евра, но српскиот репрезентативец сепак остана во Рим. Тој има двегодишен договор со Лацио, но би сакал да ја промени средината ова лето и да се испроба во посилен тим.
„Кориере“ тврди дека Арсенал нуди 50 милиони евра, но Лацио бара 65 милиони и не брза да ги продаде бидејќи Србинот има уште две години договор. Но, Арсенал ќе преговара и можно е да се договори со Лацио.
И Њукасл ги сака Милинковиќ-Савиќ, но италијанските медиуми тврдат дека Србинот не е претерано заинтересиран за оваа опција и дека Арсенал му е попривлечен. Артета сака да се ослободи од Гранит Џака и гледа на Милинковиќ-Савиќ како идеална замена, што значи дека Србинот би имал прилично голема улога во новиот тим на Артета.
За Џака наводно е заинтересирана Рома, односно Жозе Мурињо. Рома сакаше да го доведе минатото лето, но 20 милиони евра беа премногу за Рома. Швајцарецот има и уште две години договор, а во Рим се надеваат дека ќе успеат да го добијат ова лето за помала сума.