Претставникот на Зелените во Европскиот парламент, Рајнхард Бутикофер, на социјалните мрежи го коментираше прашањето за доделување кандидатски статус за ЕУ на Западен Балкан, велејќи дека „оној што ќе каже „да“ на Украина и на Молдавија, не може да каже „не“ на Северна Македонија, Албанија, Црна Гора, Косово и Босна и Херцеговина“.
Европратеникот истакна дека помина долго време откако Европскиот совет немаше „толку далекусежна одлука“ како што е сега, и дека доделувањето кандидатски статус на ЕУ и Молдавија повторно ја започна политиката за проширување на ЕУ како клучна стратегија по долг ќор-сокак.
„Секој што ќе каже „да“ за Украина и Молдавија не може да каже „не“ на Северна Македонија, Албанија, Црна Гора, Косово и Босна и Херцеговина“, рече европратеникот.
Тој се осврна и на Србија, нагласувајќи дека земјата ќе треба да одлучи „дали е единствената во регионот што минува низ Русија“.
Тој изјави и дека вратите на ЕУ може да бидат отворени за Грузија доколку се направат потребните промени во однос на внатрешната политика.
Бутикофер наведе дека со неговиот сегашен курс, ЕУ сигнализира дека не сака никакви области на намалена безбедност што би претставувале „сива зона“ пред руската граница.