Трансферот на Френки де Јонг од Барселона во Манчестер Јунајтед можеби нема да биде реализиран и покрај тоа што двата клуба практично се договорија.
Според Фабрицио Романо, агентите на Холанѓанецот, Али Дурсун и Хасан Цетинкаја, ги известиле двата клуба дека нема промена на позицијата на играчот за врска и дека тој нема намера да ги напушти Каталонците, ниту пак ќе прифати намалување на платата.
Се вели дека Барселона и Манчестер Јунајтед си подале рака за договор вреден 65 милиони евра плус уште 20 милиони евра бонуси. Сепак, за да се оствари овој трансфер, мора да се согласи и играчот.
Медиумите во Англија вчера инсистираа дека управата на „црвените ѓаволи“ била оптимистички расположена. Во Шпанија зборуваа за тоа дека од „Камп Ноу“ му поставиле ултиматум на Де Јонг – или да му ја намали платата или да го прифати трансферот.
Но, Холанѓанецот очигледно не сака да се придржува до ваквите ултиматуми и преку своите претставници категорично изјави дека нема да си оди и нема намера ниту да води разговори за намалување на платата.