Напаѓачот на Интер, Ромелу Лукаку не ја крие радоста што се врати во клубот. Тој призна дека направил грешка со неговата преселба во Челси минатото лето, но сега е решен повторно да биде најдобро и да му помогне на тимот да се бори за Скудетото.
Белгиецот моментално е на позајмица кај „нероазурите“ од Челси.
„Претстојната сезона ќе биде најголемиот предизвик во мојата кариера. Заминав и тоа беше грешка. Среќен сум што повторно го носам овој дрес и тимот знае што е пред нас. Ќе биде тешка сезона, но мораме да продолжиме во истиот дух. Додека бев во Англија минатата сезона, сфатив колку големо име е Интер ширум светот. Профилот на клубот расте на меѓународната сцена. Социјалните мрежи исто така помагаат во тоа. Затоа, важно е навивачите да видат што се случува во соблекувалната, како тренираме, како се забавуваме и се шегуваме еден со друг. Милано е одличен град и јас го задржав мојот стан овде кога отидов во Лондон затоа што мајка ми доаѓаше тука постојано, а јас исто така сакав еден ден да се вратам“, рече Лукаку.