Ќучук: Пратениците кои гласаа за усвојувањето на францускиот предлог не се предавници, напротив

Пратениците кои вчера гласаа за усвојувањето на францускиот предлог не се предавници, ниту пак се против уставот, напротив собраа доволно храброст да гласаат за европската перспектива на нивната земја, изјави за Телма известувачот за Македонија во Европскиот парлемент Илхан Ќучук.

Тој додава дека опозицијата која е против уставните измени треба отворено да каже дали е на страната на минатото или иднината.

Смета дека процесот на преговори нема да се проблематизира преку билатералните спорови, затоа што ЕК дава гаранции преку документите дека македонскиот идентитет е зачуван.