Вархеји: Опозицијата во С.Македонија да докаже дека е за членство во ЕУ

Уставните измени мора да се случат, опозицијата да докаже дека е за членство во ЕУ, порача еврокомесарот за проширување Оливер Вархеји на денешната прес-конференција во Брисел.

„Уставните промени јасно е дека мора да се случат и се надевам дека сите актери, сите политички партии ќе работат на европската агенда и нема да стигнат до емоции кои нема да ја носта земјата напред, Ја повикувам опозицијата, а имав прилика да видам како се надминаа границите на европските вредности, како што тврди дека е посветена да се случи членство во ЕУ, ајде нека го докажат тоа“, рече тој.