Помеѓу 2014 и 2020 година, бројот на т.н. „wearables“ за следење на активности испорачани ширум светот, се зголеми за речиси 1.500 проценти, при што потрошувачите потрошија 2,8 милијарди долари на нив само во 2020 година. Се чини дека тоа не е само мода или опсесија. Новите откритија на австралиските истражувачи ги потврдија верувањата на милиони луѓе ширум светот: фитнес-тракерите, педометрите и паметните часовници не мотивираат повеќе да вежбаме и да слабееме.
Резултати од 400 студии
Навистина, тракерите за активност што може да се носат нè поттикнуваат да одиме до 40 минути повеќе секој ден, или околу 1.800 чекори повеќе, што пак резултира со просечно губење на тежината за пет месеци.
Тоа е заклучокот до кој дошле истражувачите од Универзитетот во Јужна Австралија, кои прегледале речиси 400 студии во кои биле вклучени 164.000 луѓе ширум светот кои користеле тракери за активност (WAT) за да ја следат нивната физичка активност.
Евтини интервенции
Наодите, објавени во списанието Lancet Digital Health, ја нагласуваат вредноста на евтините интервенции во борбата против растечката епидемија на здравствени состојби делумно предизвикани од недостаток на вежбање, вклучувајќи кардиоваскуларни болести, мозочен удар, дијабетес тип 2, рак и ментални болести.
„Вкупните резултати од прегледаните студии покажуваат дека тракерите за активност што се носат се ефикасни во сите возрасни групи и во долги временски периоди. Тие ги охрабруваат луѓето да вежбаат редовно, да го прават тоа дел од нивната рутина и да поставуваат цели за губење на тежината“, велат истражувачите кои предупредуваат на широко распространет скептицизам за нивната ефикасност и тврдат дека таквите уреди само поттикнуваат опсесивно однесување и нарушувања во исхраната. Сепак, наодите го сугерираат спротивното.
Килограм не е малку
Губењето на половина килограм можеби на некои не им изгледа многу, но истражувачите велат дека тоа е значајно од гледна точка на јавното здравје. Имено, просечниот човек годишно се здебелува околу 0,5 кг поради зголемување на телесната тежина, па губењето од еден килограм во текот на пет месеци е значително.
Покрај дополнителната физичка активност и губење на тежината припишани на WATs, постојат некои докази дека фитнес тракерите, исто така, помагаат во намалување на крвниот притисок и холестеролот кај луѓето со дијабетес тип 2 и други здравствени состојби. Забележано е дека употребата на фитнес нараквици ја намалува депресијата и анксиозноста поради зголемената физичка активност.