161
Шведската министерка за надворешни работи Ен Линде денеска на Твитер објави дека две третини од земјите на НАТО го ратификувале протоколот за пристапување на Шведска и Финска во Алијансата.
„Две третини од сите сојузници на НАТО го ратификуваа протоколот за Шведска и Финска. Благодарни сме за вашата поддршка и брзата ратификација. Ние сме НАТО“, напиша таа на Твитер и особено ѝ се заблагодари на Црна Гора за ратификацијата.
Ен Линде наведува дека протоколот досега го ратификувале Албанија, Белгија, Бугарија, Канада, Хрватска, Данска, Естонија, Германија, Исланд, Латвија, Литванија, Луксембург, Црна Гора, Холандија, Северна Македонија, Норвешка, Полска, Романија, Словачка и Велика Британија.