Фернандо Алонсо остави празно место во тимот на Алпин за следната сезона. Во понеделникот објави дека се сели во Астон Мартин, а во вторникот Алпин веќе го направи она што се очекуваше – го промовираше младиот Оскар Пјастри како нов возач.
Неочекуваното следеше неколку часа подоцна.
Австралиецот, кој е тест-возач во Алпин, изјави дека тимот без негово знаење објавил дека следната сезона ќе вози во тој тим. Очигледно, Оскар Пјастри не сака да биде возач на Алпин, додека францускиот тим тврди дека имаат правна основа да го стават Оскар во болидот во 2023 година, па дури и во 2024 година.
Францускиот „Autoebdo“ пишува дека Алпин има и други решенија. Имено, тие би можеле да го вратат Даниел Рикардо, кој има договор со Мекларен, но има и многу лоша сезона, па таа соработка може да заврши.
Во 2020 година, Рикардо го напушти Рено, како што се нарекуваше овој француски тим, и се пресели во Мекларен.
„Autoebdo“ пишува дека не е невозможно Алпин да го врати Даниел бидејќи им треба некој кој е искусен возач покрај Естебан Окон. Токму таков беше Алонсо, од кој Алпин се откажа, па сега Рикардо е можна опција.