Еден Русин на потешкиот начин научил дека пушењето е штетно за здравјето.
Снимката од надзорната камера од бензинска пумпа во Челјабинск, Русија покажува како возачот на втората генерација на „Renault Logan“ решил да запали цигара додека полнел гориво. Последиците биле очекувани, бидејќи очигледно заборавил дека пареите од бензинот се лесно запаливи.
A man in #Chelyabinsk region, #Russia decided to light a cigarette at a petrol station. The result of this can be seen in the video. pic.twitter.com/PaVS5cuU8P
— NEXTA (@nexta_tv) July 30, 2022
Неверојатната несреќа се случила на 23 јули, а сега осамна и на социјалните мрежи. За среќа, можеше да заврши многу полошо. На снимката се гледа како човек полева гориво и во еден момент посегнува по запалка за да запали цигара, пренесува Јутарњи лист.
Пареата од бензин веднаш се претвориле во пламен, а работата да биде уште полоша, Русинот кога видел дека „ѓаволот ја земал шегата“, го извадил „пиштолот од резервоарот“ поради што дополнителен бензин се излеал и пламенот се разгорел.
Сепак, овој потег му овозможи да скокне во автомобилот и да отиде на побезбедно место. Веднаш потоа се вратил на „пумпата“, го земал противпожарниот апарат и спречил поголема катастрофа.
Локалните медиуми посочуваат дека мажот во несреќата се здобил со тешки изгореници на нозете и моментално се опоравува во болница по трансплантација на кожа, но неговиот живот не е во опасност.