Сега беше објавен првиот Протокол од 2019 година кој за жал тогаш не беше објавен и го немаше во архивите, вели во „Жешко политичко лето“, министерот за надворешни работи Бујар Османи во врска со ликувањата на бугарскиот Национален круг „За Македонија“ кој откако беа објавени протоколите соопштија дека ова е „победа за бугарската историска наука! Двегодишната битка за одбрана на бугарската позиција во однос на историските спорови со Северна Македонија стигна до првата победа!“
-Во однос на реакцијата морам да демантирам дека се создаде една погрешна перцепција во јавноста, а тоа е дека историчарите од бугарската страна на Комисијата реагирале.Станува збор за една маргинална група на историчари во Бугарија кои се на маргините на политичката дебата, вели Османи.