Ковачевски да распише избори по поразот во Тетово, велат од опозицијата

„Ковачевски да распише избори, по поразот во Тетово, тој веќе нема кредибилитет да ја води владата“, тврдат денеса повторно од Белата палата на ВМРО-ДПМНЕ.

„ВМРО-ДПМНЕ го победи СДСМ 2:1 во Тетово. ВМРО-ДПМНЕ освои 4, а СДСМ 2 советнички места. Во Тетово е победено и ДУИ. Владејачката коалиција е убедливо поразена во Тетово.

Резултатот од Тетово ќе се преслика и како резултат на парламентарните избори. СДСМ го очекува дебакл, и црвен картон од народот за сите лоши политики во изминативе 5 ипол години.

Ковачевски да не чека ниту ден, со секој поминат ден на власт на СДСМ, Македонија губи. Време е Македонија да тргне напред. Ковачевски охрабри се. Оставка веднаш“, истакнуваат оттаму.