До крајот на годината пристигнуваат уште 27 лесни оклопни возила

Министерката за одбрана, Славјанка Петровска во денешното гостување во емисијата „Клик плус” на ТВ 21, истакна дека набавката на лесните оклопни возила е еден од 8 клучни проекти за вооружување на Армијата.

„Договорот е склучен минатата година, а оваа година веќе пристигнаа првите 6 лесни оклопни возила. До 2028 година, треба да пристигнат 96 вакви возила, а до крајот на оваа година очекуваме да бидат испорачани уште нови 27 возила од ваков тип. Оклопните возила се веќе дел од арсеналот на Армијата и нашите војници веќе се обучуваат за нивно користење”, рече министерката одбрана Славјанка Петровска.