Граѓани лани плаќале 3.000 денари за струја месечно, сега плаќаат минимум 4.500 денари, потребни се избори, кажаа од ВМРО-ДПМНЕ

„Со Ковачевски народот плаќа 50% поскапа струја, а фирмите и до 400% повеќе во однос на лани“, соопштуваат утрово од ВМРО-ДПМНЕ.

„Откако Ковачевски е премиер цената на струјата за домаќинствата се зголеми и за речиси 50%, нашите сограѓани кои лани плаќале во просек 3.000 денари за струја месечно сега плаќаат минимум 4.500 денари.

Загрозени покрај граѓаните се и бизнисите. Цената на струјата за фирмите со Ковачевски на власт е зголемена и за 400%.

Потребни се итни мерки кои ќе значат помош за домаќинствата и фирмите. Со антимакедонската СДС тоа се покажа како невозможно, затоа решение се предвремени парламентарни избори час поскоро“, велат, меѓу другото, од Белата палата.