167
Иако популарен холандски профил на „Твитер“ со илјадници следбеници најави разделба на Ентони од Ајакс, засега на Островот нема потврда за неговиот трансфер во Манчестер Јунајтед.
„Атлетик“ информира дека зделката е блиску, но се уште се работи на тоа.
И „Скај Спортс“ пишуваат само дека двата клуба се на работ на договор, дури додаваат дека новата понуда е од редот од 100 милиони евра со бонуси.
Развој се очекува во следните 24-48 часа. Слични се и информациите на „Би-Би-Си“ – за разговори кои се во тек меѓу двата клуба.
Бразилскиот офанзивец не се најде во составот на Ајакс за денешниот натпревар против Утрехт од локалниот шампионат.