Даниел Рикардо предвреме ќе го напушти Мекларен – на крајот од оваа сезона и се уште не е познато дали ќе остане во Формула 1 и следната година. Нема многу слободни места во светскиот шампионат за следната сезона, а многу медиуми и експерти сметаат дека Даниел би можел да се врати во Алпин, каде што возеше две години пред да се пресели во Мекларен, додека тимот се уште се викаше Рено.
„Веќе кажав дека сакам да ја продолжам кариерата во Формула 1, но само под соодветни околности“, објасни Австралиецот на Зандворт. „Најважно е да се вози конкурентен болид, другото не е важно“.
Нормално, по ова појаснување Алпин излегува многу пред Вилијамс и Хас, а Даниел не ја побива оваа претпоставка.
„Да се вратам на Алпин? Да, можно е. Се разделивме пријателски иако беше пред почетокот на сезоната. Потоа дојде пандемијата на коронавирус. На почетокот беше незгодно, но потоа започнаа трките и мислам дека сезоната 2020 се покажа како успешна за мене и за тимот“.
Шефот на Алпин, Отмар Шафнауер, исто така, не ја исклучи можноста Рикардо да се врати во тимот, но без да потврди дали тимот дејствува во таа насока.