173
Во рамки на официјалната посета на претседателката на Словачката Република Зузана Чапутова на Република Северна Македонија, денеска претседателот Пендаровски и претседателката Чапутова положија венци на гробот на македонскиот револуционер Гоце Делчев во црквата „Св. Спас“ во Скопје.
Претходно, претседателот Стево Пендаровски во претседателскиот кабинет, на официјална церемонија со највисоки државни и воени почести ја пречека претседателката Чапутова, а по одржаната тет-а-тет средба и пленарниот состанок на официјалните делегации на Република Северна Македонија и Словачката Република, се одржа заедничка прес-конференција на претседателот Пендаровски и претседателката Чапутова.