Градоначалникот на општина Центар, Горан Герасимовски излезе на терен на улица „Козара“, каде што имаше поплаки од граѓаните дека при реконструкцијата биле асфалтирани и шахтите.
-На жителите на улица „Козара“ од каде имаше поплаки дека при реконструкцијата се затрупани сливниците укажав дека општината ќе биде ригорозна и ќе ги казни изведувачите доколку повторно има недоследности во работењето. Во моментот на улица „Козара“ јавните претпријатија изведуваат подземна инсталација, приклучоци за водовод и останато, истакна Герасимовски.
По завршување на нивната работа, општината ќе изврши подигање и нивелирање на шахтите, сливниците и капаците за водовод и веднаш потоа ќе биде поставен вториот и финален слој на асфалт.
-Ги молам граѓаните за трпение, инсистирам реконструкцијата на улицата да се направи темелно со цел да немаме идни прекопувања за нови потреби на околните згради кои се во изградба, побара Герасимовски.