По шестчасовно патување: Ковчегот со телото на кралицата од замокот Балморал пристигна во Единбург

Ковчегот со телото на покојната кралица Елизабета Втора пристигна од шкотскиот замок Балморал во Единбург, по шестчасовно патување.

Погребната поворка полека ги помина 280-те километри од Балморал до Единбург за да можат граѓаните да и оддадат последна почит на кралицата.

Во среда ковчегот ќе биде поставен во Вестминстерската сала, а погребот ќе се одржи на 19 септември.

Кралицата Елизабета почина на 8 септември во Балморал.