196
Британскиот принц Хари напиша писмо во кое ѝ оддава почит на својата баба, кралицата Елизабета Втора, за нејзината непоколеблива милост и достоинство кои ја придружуваа во текот на животот и сега се нејзино трајно наследство, објави денеска Би-Би-Си.
„Во прославата на животот на баба ми, Нејзиното Височество Кралицата – и жалејќи за нејзината загуба – сите се сеќаваме дека таа беше пример за многумина поради нејзината посветеност на службата и должноста“, навел принцот Хари во писмото.
Тој вели дека му е чест што неговиот татко Чарлс сега е крал.