213
Познатиот италијански голман Џанлуиџи Буфон изјави дека спортските великани како Роџер Федерер го заслужуваат еликсирот на животот за никогаш да не престанат да играат.
Познатиот швајцарски тенисер вечерва во 21:30 часот ќе го одигра последниот меч во кариерата на Лејвер купот во Лондон, и тоа во пар со својот најголем ривал, Шпанецот Рафаел Надал, против американскиот дабл тим составен од Џек Сок и Френсис Тиафо.
„Постојат спортски икони кои ги запираат нашите животи за момент кога велат дека е доста. На некои луѓе треба да им се даде еликсир на животот, штета е да се види како престануваат да играат“, изјави Буфон за Роџер Федерер на спортскиот саем во Тренто.