Финска од полноќ ја затвора границата за руските туристи

Финска од полноќ ја затвора својата граница за руски туристи, соопшти денеска владата на земјата.

Финскиот министер за надворешни работи Пека Хависто на прес-конференција изјави дека границата ќе биде затворена за сите руски туристи, но не и за сите руски граѓани, пренесе „Ројтерс“.

Наредбата за делумна мобилизација во Русија предизвика протести низ Русија, апсења на демонстранти и заминување на руски граѓани од таа земја.