Ракот на кожата е всушност абнормален раст на клетките и најчесто се јавува на деловите од телото кои се најмногу изложени на сончевите зраци. Експертите, сепак, предупредуваат дека сончевите зраци не се единствениот фактор, туку ракот може да се појави и на делови од телото скриени од облеката, поради што е тешко да се препознае.
Докажано е дека ракот на кожата се јавува во повеќето случаи кај луѓе кои имаат голем број бенки, како и кај оние кои имаат светла кожа и светли очи.
Исто така, често се јавува кај луѓе кои биле изложени на зрачење, извори на УВА зрачење или сончеви зраци, како и кај оние кои имаат наследен фактор.
Меланомот е најретката форма на рак на кожата, но и најопасна. Само 30 проценти од канцерогените меланоми се јавуваат на постоечка бенка. Најчесто е кафеава или црна и може да се појави буквално насекаде на кожата.
Меланомот може да биде секоја промена на бенката, без разлика дали се работи за изгледот, големината или обликот, а доколку не се лекува навреме, често може да биде опасна по живот.
Како да препознаете сомнителна бенка?
Бенка всушност е пигментирана точка која се појавува на кожата и се развива од меланоцити.
Тие се развиваат во текот на животот со врв во адолесценцијата, а нивниот број зависи од генетиката, изложувањето на сонце, но и некои други фактори како што се хормоните или бременоста.
Бенките се главно бенигни, но секоја промена во нивниот изглед може да биде предупредувачки знак за меланом.
Најчестите симптоми на меланом се асиметрична бенка, неправилна граница на бенка, бенка поголема од шест сантиметри, бенка што чеша или крвари и која било друга промена на бенката што ве загрижува или е едноставно необична.