182
МВР информира дека денеска, во 15.20 часот, на улица „Нов живот” во Скопје, полициски службеници од Оперативен тим потраги при скопското СВР ја лишиле од слобода скопјанката Ш.М.(28).
-Таа била барана по централна потерница по наредба на Основен кривичен суд Скопје за издржување на казна затвор од две години и два месеци за сторено кривично дело „тешка кражба” по член 236 од Кривичниот законик, соопштуваат од полицијата.
Лицето ќе биде спроведено во надлежна казнено-поправна установа за издржување на казната.