На Новите гробишта во Белград денеска беше погребан економистот и политиколог Владимир Глигоров.
Глигоров почина на 27 октомври во Виена, на 78-годишна возраст.
Во присуство на семејството, роднините, колегите и пријателите е испратен во вечното почивалиште.
Глигоров додипломските и магистерските студии ги завршил во Белград, а докторирал во 1977 година на Универзитетот Колумбија во Њујорк.
Работел на Универзитетот во Белград, а од 1994 година на Виенскиот институт за меѓународни економски студии, каде најмногу се занимавал со Западен Балкан, особено со Србија, Црна Гора и Северна Македонија.
Во своето истражување тој бил особено заинтересиран за долгорочниот раст на земјите во транзиција, макроекономските анализи и финансиските пазари.
Глигоров беше постојан соработник на Oxford Analytics, меѓународна консултантска фирма која обезбедува стратешка анализа на светските настани, пишуваше за Wall Street Journal и имаше редовни колумни во неколку дневни весници и неделници во Југоисточна Европа.