Министерот за надворешни работи, Бујар Османи синоќа соопшти дека е загрижен поради ракетниот удар на територијата на Полска.
Тој на својот официјален Твитер профил изрази целосна поддршка и солидарност со Полска, како и сочувство до семејставата на жртвите.
„Во консултации сме со сојузниците на НАТО и внимателно ја следиме ситуацијата“, напиша Османи.
Concerned by the recent missile strikes crossing into 🇵🇱 territory. Full support & solidarity w/ our close partner #Poland, expressing condolences to the families of the victims. We are consulting our @NATO Allies & closely following the situation@RauZbigniew @PolandMFA
— Bujar Osmani (@Bujar_O) November 15, 2022
Портпаролот на полската влада, Пјотр Милер, синоќа по итно свиканиот Совет за национална безбедност потврди дека во Пржеводов, на пет километри од границата со Украина, во експлозија загинале двајца Полјаци, но не ја потврди неофицијалната вест на агенциите дека Полска била погодена од руски ракети.
Додека агенцијата АП пренесува за руски ракети од неофицијални извори на американските разузнавачки служби, полските медиуми дозволуваат можност украинските ракети за противвоздушна одбрана да паднале во Полска по грешка или руските проектили да се соборени и затоа го смениле својот пат и паднале во Полска.