Претседателот Стево Пендаровски синоќа ги обелодени своите примања.
-93 илјади денари со 32 години работен стаж. Во владина процедура е во поодмината фаза Законот за плати. Би сакал да го видам што побрзо тој закон во Собрание и да биде изгласа. Има агенции за кои не знаете дека постојат, комплетно се на Буџет со два или три пати поголема плата од мене или премиерот. Тоа е недозволива ситуација. Тврдам дека и опозицијата нема да има ништо против овој закон, вели Пендаровски.
Тој се осврна на високите плати во М-НАВ по скандалот со аферата „Паразити“.
-Данскиот амбасадор кој ја покрива Македонија и кај мене се интересираше што е заднината на писмото барањето кое од М-НАВ го пратиле до нив кај што ги прашале, народски кажано, како баш овие ги избравте. Може да замислите, на највисоко политичко ниво и мене ме прашуваа. Јас морав таму да прашувам бидејќи не ми беше верно дека е можно такво нешто, рече претседателот во емисијата „24 анализа“.