Вулканот Мауна Лоа повторно се активираше – за првпат по 40 години

Најголемиот активен вулкан во светот, Мауна Лоа на Хаваите, се активира за првпат по речиси 40 години, објави денеска Би-Би-Си.

Лавата е претежно содржана во кратерот на вулканот, но жителите се ставени во состојба на готовност и предупредени за ризикот од паѓање на вулканска пепел.

Геолошкиот институт на САД објави дека поради ерупцијата на вулканот Мауна Лоа, издадено е предупредување до населението.