Премиерката на Србија, Ана Брнабиќ изјави дека именувањето на Александар Вулин за директор на Безбедносно-информативната агенција (БИА) е заслужено, бидејќи според неа, Вулин заедно со претседателот на Србија Александар Вучиќ и поранешната директорка на БИА Братислава Гашиќ, е најзаслужна за успешната борба против организираниот криминал.
Таа изјави дека претседателот на Србија претрпел „огромен притисок, главно од западните сили, Вулин во никој случај да не биде директор на БИА“.
„Во врска со назначувањето на Александар Вулин за директор на БИА, западните земји многу помогнаа во назначувањето и го турнаа на вистински начин да ја добие оваа функција. Александар Вучиќ работи на тој начин што ако некоја странска држава дојде и сака да наредува во Србија, обично се случува спротивното“, изјави Брнабиќ во Параќин по посетата на српската фабрика за стакло.
Таа оцени дека ваквите притисоци „прилично му помогнале“ на Вулин во назначувањето, бидејќи како што додаде, Вучиќ прво ја цени независноста во одлучувањето и работата во интерес на граѓаните на Србија.
„Вулин рамо до рамо со претседателот на Србија, заедно со тогашниот директор на БИА Братислава Гашиќ, ја спроведоа најуспешната борба против организираниот криминал и мафијата која мислеше дека е посилна од државата и со тоа си ја стави главата во торба Вучиќ, но ја победи мафијата“, рече премиерот.
Брнабиќ оцени дека денес јавноста не зборува за тоа и дека на Вулин „не му се признаваат напорите да се справи со мафијата, а би требало“.