Зеленски: Ситуацијата во Донбас е тешка, обрнете внимание на сирените

Борбите за контрола над регионот Донбас во Украина продолжија во понеделникот, објави претседателот на земјата, Владимир Зеленски.

„Ситуацијата во Донбас е тешка“, рече Зеленски во своето обраќање до нацијата.

Бахмут, Кремина и другите области во Донбас сега бараат „максимална сила и концентрација“, рече тој во видео пораката објавена на социјалните мрежи.

Тој им се заблагодари на украинските војници кои цврсто ги држат своите позиции, стојат цврсто и наоѓаат можности да се борат против „окупаторите“.

Тој ги повика Украинците да бидат подготвени за можни руски ракетни напади или провокации.

„ПВО се подготвува, државата се подготвува и сите мора да се подготват. Обрнете внимание на сирените“, додаде Зеленски.