Шефот на македонската дипломатија Бујар Османи вчера го посети Киев, каде што се сретна со претседателот на Украина, Володимир Зеленски.
-Продуктивна средба со претседателот Зеленски, напиша Османи на Твитер.
„Импресиониран сум од неговата посветеност на благосостојбата на украинскиот народ и неговата храброст наспроти тековните предизвици.
Сакам да ја изразам мојата целосна поддршка на украинската влада додека тие продолжуваат да се залагаат за мир, стабилност и просперитет во регионот“, истакна министерот.
A productive meeting with President @ZelenskyyUa of Ukraine. I am impressed by his dedication to the well-being of the Ukrainian people, and his courage in the face of ongoing challenges. pic.twitter.com/K3wkkQkVQj
— Bujar Osmani (@Bujar_O) January 16, 2023
ОБСЕ, додава Османи, е посветена на поддршката на Украина во нејзините напори да го врати мирот и да изгради стабилна, просперитетна и демократска нација.
„Повикувам на итно враќање на нашата теренска мисија во Украина како прв чекор. Мисијата ќе направи голема разлика на терен преку промовирање на стабилност, безбедност и човекови права за сите граѓани“, потенцира Османи.
Османи допатува во Киев во својство на претседавач со ОБСЕ.