137
Критичарот на Кремљ и лидер на руската опозиција кој е во затвор, Алексеј Навални, денеска ја искористи приликата да вети на втората годишнина од неговото затворање дека ќе продолжи да се спротивставува на рускиот државен врв.
Ветувањето на Навални доаѓа додека неговото семејство и сојузниците започнаа кампања за негово ослободување од затвор, пренесува „Ројтерс“.
Навални (46) беше уапсен и приведен пред точно две години, по враќањето од Германија каде се лекуваше од труење со смртоносен нервен агенс од советската ера, што некои западни земји го карактеризираа како обид за руско државно убиство.