Вучиќ се сретна со Пленковиќ во Давос: Многу коректен разговор за нашите односи

Српскиот претседател Александар Вучиќ се сретна со хрватскиот премиер Андреј Пленковиќ на маргините на Светскиот економски форум во Давос.
Вучиќ изјави дека имал „многу коректен разговор со Пленковиќ за српско-хрватските односи“.

„Верувам дека во периодот што следи ќе успееме да постигнеме напредок и на економски и на политички односи“, напиша Вучиќ на Инстаграм.

Средбата меѓу двајцата официјални лица започнала нешто по 9 часот и траела половина час.

Пленковиќ на Твитер објави дека разговарале за билатералните односи и европскиот пат на соседните земји.

„Покрај политиката на дијалог и смирување на тензиите, неопходно е да се вложат дополнителни напори за решавање на отворените прашања“, рече Пленковиќ.