Од Турција пристигна уште еден доказ дека чудата се можни. Имено, од урнатините во градот Газиантеп, 115 часа по разорниот земјотрес во кој загинаа најмалку 24.000 луѓе, извлечена е трудница и нејзината ќерка.
На видеото кое кружи на социјалните мрежи може да се види како спасувачите извлекуваат жена која е во шестиот месец од бременоста и нејзината седумгодишна ќерка од под урнатините.
Двете поминале 115 часа под урнатините, што се речиси цели пет дена.
Adeta bir mucize…
115. saat sonunda #Gaziantep #Nurdağı’nda
6 aylık hamile Zahide Kaya ve 7 yaşındaki kızı Kübra #deprem enkazından canlı çıktı.Yaradan’a şükürler olsun. pic.twitter.com/0a02BdMtwF
— Fatma Şahin (@FatmaSahin) February 10, 2023
Да потсетиме, во разорниот земјотрес со јачина од 7,8 степени според Рихтеровата скала што во понеделникот ги погоди Турција и Сирија, загинаа повеќе од 24.000 луѓе, а најмалку 80.000 беа повредени.
Спасувачите се во трка со времето за да ги извлечат преживеаните.
Властите соопштија дека околу 6.500 згради се урнале во Турција, а многу се оштетени во зоната на земјотресот, кој погоди околу 13 милиони луѓе.