Голем број спасувачи се на терен и меѓу урнатините во Турција и Сирија извлекуваат преживеани по разорниот земјотрес што ги погоди овие две земји.
Исто така, на местото на трагедијата дојдоа и голем број волонтери, познати личности и спортисти кои помагаат колку што можат.
Еден од нив е и познатиот Германец Стефан Кунц, моментално селектор на турската фудбалска репрезентација, кој помага во локална продавница. Тој седнал на една од касите во супермаркетот и одработил цела смена при која целта била да собере што повеќе пари за да бидат проследени до настраданите, пренесуваат турските медиуми.
🇹🇷A Milli Takım Teknik Direktörü Stefan Kuntz, Almanya'da yaşadığı kasabada ülkenin en büyük süpermarket zincirinin şubesine giderek depremzedeler için kasiyerlik yaptı. pic.twitter.com/NfilsYg6RD
— TRT Spor (@trtspor) February 11, 2023
Овој потег на Кунц, кој како селектор на младата германска репрезентација беше шампион на Европа, предизвика големо внимание низ целата земја.
Германските медиуми брзо ги пренесоа информациите и снимките од маркетот, при што неговиот потег ги воодушеви Турците кои последните денови минуваат низ многу проблеми. Љубителите на фудбалот го поздравија потегот на тренерот и сигурно ќе паметат дека тој беше тука за нив во вакви исклучително тешки моменти.