„Рено“ излета од пат, возачот итно пренесен во болница

Доцна синоќа возило излетало од пат во крушевско, информираат од МВР.

Немилиот настан се случил синоќа во 00.24 часот кога СВР Битола е пријавено дека на пат од с.Вашарејца и с.Бучин, во близина на крстосницата кај с.Свето Тодори, В.Б.(30) од с.Врбоец, крушевско, кој управувал патничко возило „рено меган“ со прилепски регистарски ознаки, изгубил контрола и со возилото излетал од патот.

Во несреќата со тешки телесни повреди се здобил В.Б., констатирани Клиничката болница Битола.

За случајот е известен Јавен обвинител, а увид на местото на несреќата извршила екипа од СВР Битола.