Русија објави дека Украинците ја нападнале нејзината територија и заробиле луѓе во едно село. Меѓутоа, набрзо рускиот волонтерски корпус објави видеа во кои тврдат дека тие се виновниците и дека се на страната на Украинците.
Според гувернерот Олександар Богомаз, во четвртокот, украински диверзанти влегле во регионот Брјанск и оштетиле неколку станбени згради со минофрлачи и беспилотни летала, пишува RT.
Наводно, било пукано во автомобил, рането е десетгодишно дете, а убиен е локален жител.
„Прелиминарните информации укажуваат дека неколку лица се заробени во продавница во селото Љубечане“, изјавил изворот за рускиот портал РИА Новости.
Something rather bizarre is happening in Bryansk Oblast with Russian sources reporting a large group (±40) of Ukrainian military crossing the border. Minutes ago, a "Russian Volunteer Corps" telegram posted this video claiming to be behind the mission. pic.twitter.com/LL5lpD92VH
— Dmitri (@wartranslated) March 2, 2023
Сепак, на социјалните мрежи се појави видео на кое се гледаат наводни војници како стојат пред медицинска установа во Љубечан, во областа Брјанск. Тие тврдат дека се членови на рускиот волонтерски корпус кој се бори на украинската страна. Сепак, се уште не е потврдено дали тоа е вистина.
Објавена е уште една снимка од група наводни борци на „Рускиот волонтерски корпус“, на која се гледаат двајца од нив како стојат до руско поштенско сандаче, наводно во областа Брјанск. Во позадина се слушаат пукотници.
Во видеото велат дека не убиваат невооружени и цивили и дека е време Русите да сфатат дека не се робови.
„Наместо војската на Путин да се состои од убијци и силувачи, дојдовме овде да ве ослободиме. Ве повикуваме да се борите против Путин и крвавиот режим на Кремљ“, велат тие.
Службата за безбедност на Русија (ФСБ) потврди дека „се преземаат мерки за уништување на вооружени украински националисти кои ја преминале државната граница“ во областа Климовск во областа Брјанск.
Another video from a different group of alleged "Russian Volunteer Corps" fighters standing next to a Russian mailbox, allegedly in Bryansk Oblast. Gunfire can be heard in the background. pic.twitter.com/FQpw8h4fbw
— Dmitri (@wartranslated) March 2, 2023
Акцијата се спроведува во соработка со министерството за одбрана, велат оттаму.
Како што пишува Тасс, нападнати се две руски села Љубечане и Сушани, а заробени се најмалку шест цивили.
Гувернерот на Курската област Роман Старовоит објави дека е нападнато и селото Теткино, кое се наоѓа на руско-украинската граница.
Советникот на украинскиот претседател Зеленски, Михајло Подољак, реагираше на обвинувањата на руските власти дека украинска диверзантска група извршила инвазија на руска територија и убила неколку лица.
„Приказната за украинската диверзантска група во Русија е класична намерна провокација. Русија сака да го исплаши сопствениот народ за да го оправда нападот на друга земја и зголемувањето на сиромаштијата по една година војна. Партизанското движење во Русија станува се посилно и поагресивно. Плашете се од вашите партизани…“, напиша Подољак.
The story about 🇺🇦sabotage group in RF is a classic deliberate provocation. RF wants to scare its people to justify the attack on another country & the growing poverty after the year of war. The partisan movement in RF is getting stronger & more aggressive. Fear your partisans…
— Михайло Подоляк (@Podolyak_M) March 2, 2023