Власи: ЗСО нема да биде во директни формални односи со Србија

Азем Власи, поранешен висок функционер во Југославија и во Република Косово, изјави дека Заедницата на српските општини (ЗСО) ќе се формира во рамките на уставно-правниот систем на Косово, но дека нема да биде посебен ентитет или да претставува посебно ниво на власт со извршни овластувања.

Според Власи, ЗСО нема да има директни формални односи со Србија.

„ЗСО може да соработува со Србија, да добива финансиска помош од неа, но институционално сè ќе биде во рамките на правниот систем на Косово“, рече тој во интервју за весникот „Данас“.