Зеленски: Светот е доволно силен да ја казни Русија за војната

Претседателот на Украина, Владимир Зеленски, денеска изјави дека „светот е доволно силен да ја казни Русија за војната“.

„Чекор по чекор, се движиме кон тоа терористичката земја да биде апсолутно одговорна за она што го направи против украинската држава, нашиот народ“, рече Зеленски на судската конференција на која присуствуваа бројни адвокати од Украина, Европа и други земји.

Тој додаде дека сите Руси кои учествувале во убиствата и агресијата врз Украина мора да бидат казнети, објави „Киев Индипендент“.